Œuvre

Tant vertueux est l’amour de madame,
Louer l’en fault elle l’a mérité,
Qu’elle ne craint de personne le blasme,
S’on dist qu’en moy son cueur est arresté.
Car elle m’ayme en telle honnesteté,
Et elle moy, que de vous envieux
Point ne craignons la langue, ni les yeux,
Car que nous chault, que nostre amour on sache,
A qui faict mal, le jour est ennuyeux,
Qui mal ne faict, ne fault point qu’il se cache.