Œuvre

[Prima pars]
Corporis ex medico medicus qui mentis es idem
Inspirante Deo factus, comes inclite Pauli,
sancte sacra sacros ô Luca luce ministros,
qui tua concelebrant læti sacra protege lætus.

[Secunda pars]
Corporibus quondam fecisti et mentibus apta
ore, manu, libris, tabulis medicamina sacris,
bis medice ô Luca medicam pia turba rogamus,
Corporibus nostris fer opem fer mentibus ægris.

[Tertia pars]
Christi scriba senex qui martir in arbore pendens
fructifera, cœli meruisti civibus addi,
nostris fac medici collyria civibus aptent,
qualia lapsa tuum cœlo clarâre sepulchrum,
arte, fide, Luca, vigeant ac moribus omnes,
qui te cunque suum, semper coluere patronum.