Œuvre

[Prima pars]
Qui hábitat in adjutório altíssimi : in protectiône Dei cœli commorábitur.
Dicet Dómino suscêptor meus es tu : et refugium meum, Deus meus sperâbo in eum.
Quóniam ipse liberâvit me de láqueo venántium : et à verbo áspero.
Scápulis suis obumbrâbit tibi : et sub pennis ejus sperâbis.
Scuto circúmdabit te véritas ejus : non timêbis à timôre noctûrno.
A sagîtta volânte in die, à negótio per ambulânte in ténebris : ab incûrsu et dæmónio meridiâno.
Cadent à látere tuo mille, et decem míllia à dextris tuis : ad te autem non appropinquâbit.

[Secunda pars]
Verúntamen óculis tuis considerâbis : et retributiônem peccatôrum videbis.
Quoniam tu es Dómine spes mea : Altíssimum posuîsti refúgium tuum.
Non accêdet ad te malum : et flagellum appropinquâbit tabernáculo tuo.
Quóniam ángelis suis mandâvit de te : ut custodiant te in ómnibus viis tuis.

[Tertia pars]
In mánibus portâbunt te : ne fortè offêndas ad lápidem pedem tuum. Super áspidem et basilíscum ambulâbis : et conculcâbis leônem et dracônem.

[Ultima pars]
Quóniam in me sperâvit, liberâbo eum : prótegam eum, quóniam cognóvit nomen meum.
Clamâvit ad me, et ego exáudiam eum, cum ipso sum in tribulatiône : eripiam eum et glorificábo eum.
Longitúdine diêrum replêbo eum : et ostêndam illi salutáre meum.