Œuvre

[Prima pars] In éxitu Israël de Ægypto : domus Jacob de pópulo bárbaro.
Facta est Judæa sanctificátio ejus : Israël potêstas ejus.
Mare vidit et fugit : Jordanis convérsus est retrôrsum.

Montes exultavêrunt ut arietes : et colles sicut agni óvium.
Quis est tibi mare quòd fugîsti et tu Jordanis quia convêrus es retrôrsum.
Montes exultastis sicut arietes : et colles sicut agni óvium.

[Secunda pars]
A fácie Dómini mota est terra : à fácie Dei Jacob.
Qui convêrtit petram in stagna aquârum : et rupem in fontes aquarum.
Non nobis Dómine non nobis : sed nómini tuo da glóriam.
Super misericórdia tua et veritáte tua : nequando, dicant Gentes, Ubi est Deus eôrum ?
Deus autem noster in cœlo : ómnia quæcunque vóluit fecit.

[Tertia pars]
Simulâchra géntium argéntum et aurum : ópera mánuum hóminum.
Os habent et non loquentur : óculos habent, et non videbunt. Aures habent, et non áudient : nares habent, et non odorâbunt.
Manus habent, et non palpabunt, pedes habent et non ambulabunt : non clamâbunt in gútture suo.

[Quarta pars]
Similes illis fiant qui fáciunt ea : et omnes qui confidunt in eis. Domus Israel speravit in Dómino : adjûtor et protêctor eôrum est.
Domus Aaron speravit in Dómino : adjutor et protector eôrum est.
Qui timent Dóminum, speravêrunt in Dómino : adjutor et protêctor eôrum est.

[Quinta pars]
Dominus memor fuit nostri : et benedîxit nobis. Benedîxit dómui Israël : benedîxit dómui Aaron.
Benedîxit ómnibus qui timent Dóminum : pusîllis cúm majóribus,
Adjíciat Dóminus super vos : et super filios vestros.
Benedîcti vos à Dómino : qui fecit cœlum et terram.

[Ultima pars]
Cœlum cœli Dómino : terram autem dedit filiis hóminum.
Non mórtui laudâbunt te Dómine : neque omnes qui descêndunt in infêrnum.
Sed nos qui vivimus, benedícimus Dómino : Ex hoc nunc et usque in sèculum.
Glória Patri et Filio : et Spriritui sancto. Sicut erat in principio, et nunc, et semper : et in secula seculorum, Amen.