Œuvre

Si ton plus grand desir n’est sinon d’estre tienne,
Ce me sera plaisir que tu ne sois point mienne.
Car de moy j’ayme mieulx d’amour quitter l’office,
Que me voir ennuyeux en offrant mon service.
Joinct que ma liberté ne m’est moins aymable,
Que toute ta beaulté pourroit estre estimable.
Mais si par trop d’oubly d’un’ offre tant heureuse,
Tu avois estably d’un autre estre amoureuse
Lors ta legereté te rendra detestable.
Et moy ma fermeté envers tous honorable.
Sans que l’affection qu’au premier t’estoit deue,
Autre qu’en fiction par moy te soit rendue.