Œuvre

Jeunes espritz, qui ne sçavez comprendre,
Comment il faut gaigner le jeu d’aymer,
Le jeu de paulme à tous vous peult apprendre,
Qu’amour se doibt pour l’esteuf estimer.
Le premier coup que quinze on veult nommer,
C’est le devis, au baiser c’est le trente
Puis au toucher du tetin à la fente,
Quarante cinq peult compter l’amoureux:
Mais pour gaigner le jeu, qui tant contente,
Il fault frapper tout droit à l’entredeux.