Œuvre

Qu’est ce que fait celuy qui se marie?
Pour estre serf de franchise il s’estrange.
Que fait il plus? en mesnage se lie
Ou sont des maulx à change et à rechange.
Sa femme apres s’il luy dit rien se venge
A caqueter tic tac. Puis luy vient dire,
Me fault cecy cela. Mais c’est le pire,
Que remuer luy fault droit son bagage.
Et s’il y fault, il tombe en ce martyre,
D’estre jaloux subject au coquage.