Œuvre

[Prima pars]
Beati immaculâti in via : qui ámbulant in lege Dómini.

Beâti qui scrutântur testimónia ejus : in toto corde exquîrunt eum.
Non enim qui operântur iniquitâtem : in viis ejus ambulavêrunt.
Tu mandâsti mandata tua : custodîri nimis.

[Secunda pars]
Utinam dirigantur vitæ meæ : ad custodiêndas justificatiônes tuas.
Tunc non confûndar : cúm perspéxero in ómnibus mandâtis tuis.
Confitêbor tibi in directiône cordis : in eo, quòd didíci judícia justítiæ tuæ.
Justificatiônes tuas custódiam : non me derelînquas usquequaque.

[Tertia pars]In quo córrigit adolescêntior viam suam ? in custodiêndo sermônes tuos.
In toto corde meo exquisîvi te : ne repêllas me à mandâtis tuis.
In corde meo abscôndi elóquia tua ut non peccem tibi.

Benedîctus es Dómine : doce me justificatiônes tuas.

[Ultima pars]
In lábiis meis pronunciâvi : ómnia judícia oris tui.
In via testimoniôrum tuôrum delectâtus sum : sicut in ómnibus divítiis.
In mandâtis tuis exercêbor : et considerâbo vias tuas.
In justificatiónibus tuis meditábor : non oblivîscar sermônes tuos.