Œuvre

Chevaliers genereux, qui avez le courage François,
Acourez, acourez secourir l’heritier de vos Roys :
Secourez vostre Roy naturel, si vaillant, si guerrier,
A la peine, à la charge, à l’assaut le premier, le dernier :
Un Roy ne s’est jamais veu
De tant de grace pourveu.

A cheval, à cheval cazaniers, tout affaire laissé :
Le brillant coutelas à la main, et le casque abaissé,
Debatez courageux vostre honneur, vostre vie et vos biens :
Ne souffrez ce tirant qui s’acroist de la perte des siens,
Ravir la gloire et les loix
Du grand Royaume François.