Œuvre

Susanne un jour d’amour sollicitée,
Par deux vieillards convoitans sa beauté :
Fut en son cœur triste et desconfortée,
Voyant l’effort fait à sa chasteté :
Elle leur dit, si par desloyauté
De ce corps mien vous avez jouissance,
C’est fait de moy si je fay resistance,
Vous me ferez mourir en deshonneur :
Mais j’ayme mieux perir en innocence,
Que d’offenser par peché le Seigneur.