Œuvre

En attendant quelque peu de secours,
Devant tes yeux je lamente et souspire,
Tu peus bien voir ma langueur tous les jours,
Et toutes-fois tu ne t’en fais que rire.
S’il te plaisoit pour remede m’escrire,
Ou me mander ton plaisir, et vouloir,
Je cesserois à me plaindre et douloir,
Vivant d’espoir, qui vrais amants supporte:
Mais si ton cueur me met à non-chaloir,
Je m’en iray mourir devant ta porte.