Œuvre

J’ay bien servi oncques ne feis offense,
Amour le sçait, et seul je l’en fay juge:
Ou que son feu prenant de moy vengeance,
Comme arbre sec, en cendre me deluge
Et m’en rapporte à ton cœur, qui te juge,
Si c’est raison doncques ainsi traiter
L’aymant, qui n’a desir qu’a contenter.
Amye, helas! pour debvoir que je face,
Si je ne puis vers toy gaigner ce point,
Que comme amy en ton cœur j’aye place,
Comme ennemy aumoins ne me hays point.