Work

Amour rempli de pitié, et de zelle,
D’amour mourant toucha la legière aesle,
En l’arrachant du corps trop tendre et beau,
La trousse print et ses traictz avec elle
L’arc impiteulx, et la corde cruelle,
Aussi l’espés, et ignorant bandeau,
Le tout il mist en un feu si nouveau,
Que leur chaleur il convertit en glace,
Sans oublier de venus le flambeau,
Dont ce sainct feu toute memoire efface.