Work

[Prima pars]
Christe qui lux es et dies,
noctis tenebras detegis :
lucisque lumen crederis,
lumen beatum predicans.
Precamur sancte Domine,
defende nos in hac nocte :
sit nobis in te requies
quietam noctem tribue.

[Secunda pars]
Ne gravis somnus irruat,
nec hostis nos surripiat :
nec caro illi consentiens,
nos tibi reos statuat.
Oculi somnum capiant,
cor ad te semper vigilet :
dextera tua protegat
famulos qui te diligunt.
Defensor noster aspice :
insidiantes reprime :
guberna tuos famulos,
quos sanguine mercatus es.

[Ultima pars]
Memento nostri Domine,
in gravi isto corpore :
qui es defensor animæ,
adesto nobis Domine.
Deo patri sit gloria,
ejusque soli filio :
cum spiritu paracleto,
et nunc et imperpetuum.
Amen.