Work

[Primus chorus]
Mittit ad virginem, non quemvis angelum : sed fortitudinem suum archangelum amator hominis.

[Secundus Chorus]
Fortem expediat pro nobis nuncium, naturæ faciat, ut præjudicium, in partu virginis.

[Primus chorus]
Naturam superet, natus rex gloriæ, regnet et imperet et zyma scoriæ tollat de medio.

[Secundus Chorus]
Superbientium, terat fastigia colla sublimium calcans vi propria, potens in prælio.

[Primus chorus]
Foras eijicias mundanum principem, matremque facias tecum participem patris imperii.

[Secundus Chorus]
Exi qui mitteris, hæc dona dissere : revela veteris velamen litteræ, virtute nuncii.

[Primus chorus]
Accede, nuncia, dic ave cominus : dic plena gratia, dic rerum Dominus et dic ne timeas.

[Secundus Chorus]
Virgo sucipias Dei depositum, in quo perficias castum propositum, et votum teneas.

[Primus chorus]
Audit et suscipit puella nuncium, credit et concipit et parit filium, sed admirabilem.

[Secundus Chorus]
Consiliarium humani generis, et Deum fortium et patrem posteris, in pace stabilem.

[Primus chorus]
Natura premitur in partu virginis, rex regum nascitur vim celans numinis, sed rector superum.

[Secundus Chorus]
Qui nobis tribuat peccati veniam : reatus diluat et donec patriam in arce syderum.

[Primus chorus]
Amen.