Work

Mane prima sabbati,
surgens Dei filius,
nostra spes et gloria.

Victo rege sceleris,
rediit ab inferis,
cum summa victoria.

Cujus resurrectio,
omni plena gaudio,
consolatur omnia.

Resurgentis itaque
Maria Magdalene,
facta est prænuncia.

Ferens Christi fratribus,
ejus morte tristibus
expectata gaudia.

O beati oculi,
quibus regem seculi,
morte jam deposita,
prima est intuita.

Hæc est illa fœmina,
cujus cuncta crimina :
ad Christi vestigia,
ejus lavit gratia.