Work

France tu dois à ce coup bastir des temples à ton Roy,
Pour tesmoignage d’honneur, d’obeissance, et d’amour,
Puis qu’Amiens est pris, tu te peux à son ombre reposer,
Libre de tous partis : libre de guerre et de peur,
Par ce labeur dernier, de rechef le Royaume il a conquis :
L’espée a fait pour luy plus que le droit d’heritier.
Qu’on crie vive le Roy, la France est en sa liberté :
Puis qu’Amiens est pris, qu’on crie vive le Roy.
Vive le Mars François, de qui l’heur aux armes a remply
Ses citoyens de repos, ses ennemis de frayeur.