Work

Si j’ay du bien cruelle helas ! c’est par mensonge !
Et tousjours mon malheur est pure verité :
Le bien par un menteur m’est tousjours r’aporté
Par le vray messager le mal qui mon cœur ronge.

Je veille en desespoir, mon espoir n’est que songe,
La nuit seule m’est jour, le jour obscurité,
Ainsi comme un Navire en la Mer agité,
Aux destroits de l’amour ma pauvre ame se plonge.

[Seconde partie]
Donc si la seule nuit me donne reconfort,
Pren cruelle, pren donc presage de ma mort,
De la nuit eternelle ou mon repos j’appuye.

Vante toy si tu veux de causer mon trespas,
Je n’y ay plus regret, moyennant que la bas
Pour me gesner encor’ tu ne sois ma furie.