Work

Un gros prieur son petit filz baisoit,
Et mignardoit au matin en sa couche.
Tandis roustir sa perdrix on faisoit,
Se leve, crache, esmeutit, et se mouche.
La perdrix vint au sel de brocque en bouche,
La devora bien sçavoit la sçience,
Puis quant il eut prins sur sa conscience,
Broc de vin blanc du meilleur qu’on eslise.
Mon Dieu dit il donne moy patience,
Qu’on a de mal pour servir Saincte Eglise.