Work

Flambeau du ciel, dont l’ardeur excessive,
Rend à mon corps ce pasle, et blesme teint,
Allume un feu d’estincelle plus vive,
Navrant le cueur par qui tu m’as attaint.
Ce cueur je dy, qui te couvre, et esteint,
O feu divin dessous face doulente,
Jectant les traictz de flamme violente,
Secretement en mille, et mille lieux,
Elle entend bien que ce mal me tourmente,
Mais le faignant ne m’en peult estre mieux.