Work

A ce matin d’un beau bouquet de rose,
Celle qui a mon cœur m’a faict present,
Le me donnant de sa bouche desclose,
Si m’a faict part d’un baiser tant plaisant,
Que tost apres le departir pensant
Prendre l’odeur, de ce bouquet donné,
Bien je le voy de belles fleurs orné
Mais ne sentoit rose, ny marjoulaine,
Ja ne falloit que j’en fusse estonné,
Plustost est soif l’odeur de son haleine.