Work

Si tu as veu que pour ton feu estaindre,
Je me suis mis comme ami en debvoir,
N’as tu pas donc grand raison de me plaindre,
Et à ce feu qui me brusle pour voir,
D’aultre costé ne puis remede avoir,
Qui ne penetre au plus profond de l’ame,
Las ce qu’il faict ardre mon feu (madame)
C’est pour t’aimer pour Dieu il t’en souvienne,
Et si par eaue j’ay secouru ta flamme,
Par ton amour si fais cesser la mienne.