Work

Jamais amour sans guerre n’est parfaict,
Ni de durée encores qu’il feust ferme,
Guerre amour faict, la guerre amour deffaict,
Puis le refaict, et plus fort le conferme,
L’on tient parfois quelque rigoreux terme,
L’on a despit, l’on conçoipt jalousie,
L’on chet souvent en forte frenaisie,
L’on porte groing huict, dix, ou douze jours:
Mais pour entendre au vray la fantaisie,
Telz menus plaidz conferment les amours.