Work

Ou cerchez vous du dieu d’amour l’empire,
Pour le trouver ne croyez auz poëtes,
Avec Psiches ja plus ne se retire,
Comme un temps fut bien abusez vous estes
Voulez sçavoir les plaisantes retraictes,
Et la ou sont de cupido les cieulx,
M’amour les ha en son cœur gracieux,
Et qui viendroit le fendre par moytié,
On y verroit, ou on n’auroit point d’yeulx,
Qu’en ce lieu est, le palais d’amitié.