Work

Triste et marry, pensif, melancolique,
Palle et transi, malade, et frenaticque,
Pouvre orguilleux sans bien, et sans avoir,
Rude en esprit nud de grace, et sçavoir,
Plain de proces, plain de calamité
De tous hay de chascun desboutté,
Sans pain, sans vin , sans denier, et sans maille,
Et sans espoir de trouver qui en baille,
Estre jaloux coqu aussi coeur lasche:
Mal advenant tant qu’a chascun il fasche,
Au demeurant à tort, et sans raison,
Estre battu de femme en sa maison,
Dictes amy mais qu’il ne vous desplaise,
Qui vit ainsi, est il trop à son aise.