Work

Ce friant oeil qui tousjours estincelle,
Et de costé à demy nous regarde.
Un dard bruslant secretement nous celle,
Du quel noz coeurs à l’impourveu il darde.
Plus on se tient contre lui sur sa garde,
Plus il penettre, et plus fort il martyre:
Mais si un coup son regard il retire,
Au coeur navré mort langoureuse est seure,
Car il peult bien du mesme dard qu’il tyre
Blesser à mort, et guarir la blessure.